Беларускі касмічны апарат БКА-2 плануюць запусціць у 2017 годзе
Беларусь плануе запусціць Беларускі касмічны апарат БКА-2 у космас у 2017 годзе, заявіў журналістам старшыня Прэзідыума НАН Беларусі Уладзімір Гусакоў.
Гэта будзе касмічны апарат дыстанцыйнага зандавання Зямлі высокай ступені распазнавання.
«Паводле нашых разлікаў, мы плануем запуск на 2017 год. Але гэта калі ўсё будзе добра», — падкрэсліў Уладзімір Гусакоў.
Ён растлумачыў, што нядаўна НАН Беларусі падпісала дамову з карпарацыяй «Раскосмас» аб стварэнні такога апарата. «Гарантавана можна сказаць, што мы знаходзімся на стадыі актыўнай распрацоўкі. Калі перад гэтым вяліся перамовы, былі сумневы, мы ўдакладнялі пазіцыі па фінансаванні, камплектаванні, электроніцы, дык цяпер ужо дакладна вызначыліся: будзем запускаць спадарожнік з расійскімі калегамі», — дадаў старшыня прэзідыума НАН.
Па словах Уладзіміра Гусакова, лятальныя апараты БКА і БКА-2 будуць вонкава падобныя, аднак будуць мець прынцыповае адрозненне ў начынні, у прыватнасці, у ступені распазнавання. «Калі ў існуючым спадарожніку двухметровае распазнаванне, то ў новым плануецца менш метра (субметровае)», — сказаў ён.
Новы лятальны апарат будзе мець на борце электроніку беларуска-расійскай вытворчасці і мець больш высокую надзейнасць.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары