Генеральная рэпетыцыя выбараў прэзідэнта прызначана на 5 кастрычніка
фота Вадзіма Заміроўскага, Tut.by
Цэнтрвыбаркам Беларусі правядзе 5 кастрычніка генеральную рэпетыцыю напярэдадні выбараў, паведаміла сёння журналістам старшыня Цэнтрвыбаркама Беларусі Лідзія Ярмошына.
«Яна будзе заключацца ў праверцы сродкаў сувязі, якія задзейнічаны ва ўсіх выбарчых камісіях», — патлумачыла Ярмошына і дадала, што 5 кастрычніка па ланцужку ўсе выбаркамы перададуць у ЦВК інфармацыю аб колькасці выбаршчыкаў, уключанымі ў спісы на кожным участку, а таксама інфармацыю аб колькасці скрынь для галасавання, у тым ліку празрыстых, аб колькасці атрыманых бюлетэняў, акрэдытаваных назіральніках ды іншыя звесткі.
Акрамя таго, 5 кастрычніка на партале «Выбары-2015» кіраўнік ЦВК выступіць з апошнім у гэтую кампанію відэазваротам.
Таксама Ярмошына сказала, што беларускае заканадаўства не прадугледжвае ніякага «дня цішыні» ў дзень перад выбарамі.
«У нас няма «дня цішыні». Гэта адсутнічае ў заканадаўстве, таму ніякіх забаронаў няма. Але ў законе прама ўказана, што ў дзень выбараў забароненая агітацыя», — сказала Лідзія Ярмошына.
Выбарчы кодэкс абвяшчае: «Агітацыя ў дзень галасавання не дапускаецца. Агітацыйныя друкаваныя матэрыялы, раней вывешаныя па-за памяшканнямі для галасавання, захоўваюцца на ранейшых месцах».
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары