Хацкевіч: Калі ўся арэна ў Львове заспявала ўкраінскі гімн, у нашых хлопцаў твары сталі бялейшымі за форму
Галоўны трэнер зборнай Беларусі Аляксандр Хацкевіч успомніў вераснёўскі матч Еўра-2016 з камандай Украіны ў Львове (1:3).
«Там яшчэ заставаўся маленькі шанец аспрэчыць трэцяе месца. Пасля сустрэчы з іспанцамі з'явілася вера ў яго рэальнасць. Хацелі згуляць надзейна, спачатку чакаючы. А саступілі ў выніку не ў «фізіцы», не ў тактыцы, а чыста псіхалагічна. Апынуліся не гатовыя да супрацьстаяння такому стадыёну.
Сачыў за гульцамі падчас выканання гімнаў. Пакуль гралі беларускі, усё было яшчэ больш-менш нармальна. А калі ўся арэна заспявала ўкраінскі, у двух-трох нашых хлопцаў твары сталі бялейшымі за форму — іх можна было мяняць адразу.
Калі пасля грубай тэхнічнай памылкі прапусцілі ўжо на шостай хвіліне, паправіць становішча стала цяжка. Мы трапілі пад вельмі матываванага суперніка. Той першы тайм стаў найлепшым для ўкраінцаў за ўсю кваліфікацыю. Мы і да гэтага былі не гатовыя», — сказаў Хацкевіч.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары