Настаўнікі Ястрамбельскай вучэльні: Кадэты сфатаграфаваліся ў майках «з фашысцкай сімволікай»
Учора, 17 кастрычніка, усіх кадэтаў Ястрамбельскай вучэльні, выхаванцы якой пазіравалі ў майках з «Пагоняй», сабралі на сход. На ім настаўнікі даводзілі, што хлопцы сфатаграфаваліся ў «майках з фашысцкай сімволікай»
Пра гэта са слоў аднаго з першакурснікаў паведамляе карэспандэнт «НН», які сёння адправіўся ў Ястрамбель.
Таксама падчас сходу кадэтам забаранілі выкладваць у інтэрнэт здымкі ў форме.
Ці сапраўды гаворка ішла пра фашысцкую сімволіку, у кіраўніцтва пакуль удакладніць не атрымалася. Намесніца дырэктара ад каментароў адмовілася, кажучы, што ў яе няма адпаведных паўнамоцтваў. З дырэктарам вучэльні таксама паразмаўляць не ўдаецца — трубку здымае жонка.
Як паведамляе карэспандэнт «НН», атрымаць каментары ад навучэнцаў таксама складана. Большасць з іх выглядае запалоханымі і адказвае ў ключы «нічога не ведаю, нічога не бачыў» альбо «я маю сваё меркаванне на гэты конт, але выказваць яго не буду».
Цяпер чытаюць
Маладая мінчанка вырашыла праехаць у метро — цяпер тры тыдні ходзіць на мыліцах2
Каментары