Прэзідэнт Казахстана ў бліжэйшы час наведае некалькі краін і прыме ў сваёй рэзідэнцыі некаторых высокіх гасцей, паведамляе tengrinews.kz.
26 кастрычніка па запрашэнні эміра Катара адбудзецца афіцыйны візіт у Доху. Па вяртанні ў Астану, 27 кастрычніка, Нурсултан Абішавіч прыме прэм'ер-міністра Японіі, які прыбудзе ў Казахстан з афіцыйным візітам.
«Чакаем, што менавіта ў Казахстане прэм'ер-міністр Японіі апублікуе так званае стратэгічнае бачанне Японіі ў дачыненні да краінаў Цэнтральнай Азіі», — паведаміў прэс-сакратар кiраўнiка дзяржавы.
2 лістапада адбудзецца візіт дзяржсакратара ЗША Джона Керы ў Казахстан.
У той жа дзень Назарбаеў адправіцца з афіцыйным візітам у Вялікабрытанію. У ходзе сустрэч з прэм'ер-міністрам Кэмеранам будуць разгледжаны перспектывы развіцця казахстанска-брытанскіх адносін, асабліва ў святле ўступлення Казахстана ў СГА. Таксама адбудзецца сустрэча кіраўніка Казахстана з каралевай Брытаніі.
З Лондана Назарбаеў паедзе з афіцыйным візітам у Францыю. 5 лістапада плануюцца перамовы з Аландам і сустрэча з бізнесменамі Францыі.
«Кіраўнік дзяржавы сур'ёзна актывізаваў знешнепалітычную дзейнасць. Асноўныя мэты, якія пераследуе Казахстан — гэта забеспячэнне прытоку інвестыцый у нашу краіну і фарміраванне вакол Казахстана кола бяспекі», — сказаў прэс-сакратар кiраўнiка дзяржавы.
«У цэлым сітуацыя ў рэгіёне не такая стабільная, таму мы актывізуем і эканамічны складнік, і пытанні бяспекі», — дадаў прэс-сакратар.
Каментары