23 жніўня ў Валожынскі РАУС патэлефанавалі жыхары вёскі Бузуны і расказалі, што ў іх ноччу невядомыя паламалі ў чатырох гаспадароў бетонныя агароджы.
Аператыўна-следчая група, што выехала на месца здарэння, у хуткім часе знайшла вінаватых, якія самі ва ўсім прызналіся.
Расказвае старшы следчы Валожынскага РАСК Сяргей Лапцік:
— Аказалася, што трое сяброў, мінчан, якім 21 год, у канцы жніўня прыехалі адпачыць на возера ў вёску Бузуны.
У суботу, 22 жніўня, яны пачулі музыку з боку вёскі. Вырашылі, што гук ідзе з мясцовага клуба, пайшлі патанцаваць.
Аднак музыка іграла ў двары мясцовага жыхара, які ў гэты дзень адзначаў юбілей. Гаспадары сказалі, што клуба ў вёсцы няма, а незапрошаных гасцей яны на сваім свяце не чакаюць.
Хлопцы засмуціліся, што патанцаваць не атрымаецца, і двое з іх са злосці сталі ламаць агароджы.
Заведзена крымінальная справа па артыкуле «Хуліганства». Хлопцам пагражае да шасці год пазбаўлення волі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)