Белы дом пагадзіўся пакінуць прэзідэнта Сірыі Башара Асада ва ўладзе, яго будучыня будзе абмяркоўвацца на перамовах з прычыны сірыйскай праблемы ўжо ў бліжэйшы час, піша ў чацвер, 29 кастрычніка, The Wall Street Journal.
Лёс Башара Асада Белы дом абмяркоўвае з саюзнікамі, у тым ліку і Турцыяй. Рэзалюцыя, над якой працуюць ЗША, уключае ў сябе спыненне агню, таксама яна не будзе «заўчасна вырашаць пытанне наконт Асада».
З'яўленне «новых рэальнасцяў», тлумачыць WSJ, звязана з Расіяй і Іранам, якія абвастрылі ваенныя аперацыі дзеля падтрымкі Асада. Таксама свой уплыў аказвае і сітуацыі, з якімі ЗША сутыкнуліся падчас аперацыі супраць «Ісламскай дзяржавы».
На сустрэчы ў Вене, якая пройдзе 30 кастрычніка, будуць прадстаўнікі Расіі, Ірана, сам Асад, а таксама больш за дзясятак міністраў замежных спраў з Еўропы і Сярэдняга Усходу.
Крыніцы распавялі, што дзяржсакратар ЗША Джон Керы, які прыбыў у Вену яшчэ 29 кастрычніка, актывізаваў дыскусіі з галоўнымі супернікамі Асада — Турцыяй і Катарам. Ён, па словах суразмоўцаў, спрабуе атрымаць іх падтрымку дыпламатычнай рэзалюцыі, якая дазволіць Асаду застацца ва ўладзе падчас пераходнага перыяду.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца9
Каментары