П'яны мужчына папрасіў падлетка сесці за руль. Вынік — загінуў пасажыр
Падрабязнасці здарэнне ў Клічаўскім раёне, дзе ў нядзелю загінуў 16‑гадовы падлетак.
36‑гадовы мужчына, знаходзячыся ў стане алкагольнага ап’янення, папрасіў 16‑гадовага школьніка, які не меў правоў, сесці за руль яго аўтамабіля.
У машыне таксама былі 16‑гадовы навучэнец каледжа і дзве 15‑гадовыя аднакласніцы бяспраўніка.
На дарозе Клічаў — Смалярня — Буднева падлетак не справіўся з кіраваннем. Машына выехала ў левы кювет і некалькі разоў перакулілася.
У выніку аварыі 16‑гадовы пасажыр загінуў, адна дзяўчына была шпіталізавана.
Адразу пасля ДТЗ 36‑гадовы мужчына ўцёк з месца здарэння, аднак неўзабаве ён быў затрыманы супрацоўнікамі міліцыі, паведамляе СК.
Каментары