Міністэрства абароны выказала спачуваньне родным юнака. Трагедыя здарылася ў Жодзіна.
Міністэрства абароны выказала спачуваньне родным вайскоўца. Трагедыя здарылася ў Жодзіна паведамляе АНТ.
На сайце Мінабароны пра зьмешчанае кароткае паведамленьне пра здарэньне: «17 сакавіка ў часе правядзеньня плянавага абслугоўваньня штатнага бульдозэра шараговец адной з транспартных вайсковых парушыў меры бясьпекі і атрымаў траўму, несумяшчальную з жыцьцём. Па факце камісіяй Міністэрства абароны і вайсковай пракуратуры праводзіцца сьледзтва».
Міністэрства абароны выказала спачуваньне родным вайскоўца.
Апошняя трагедыя ў беларускім войску, у выніку якой загінулі два вайскоўцы здарылася 16 лістапада 2006 году. На палігоне Гожа пад Горадняй на плянавых стрэльбах 6-й гвардзейскай асобнай мэханізаванай брыгады адбыўся выбух снараду. У выніку загінулі 20-гадовы шараговец Аляксандар Кулеша і 21-гадовы сяржант Віталь Ляўкевіч. Прапаршчык М.Касянік і старэйшы лейтэнант Т.Шарадок атрымалі раненьні.
У верасьні таго ж году Берасьцейская міжгарнізонная пракуратура таксама разглядала выпадак выбуху ў 38-й асобнай мабільнай брыгадзе, у выніку якога 20-гадоваму салдату адарвала руку, яшчэ двух яго аднагодкаў параніла.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары