Знакаміты рэгбіст, гулец новазеландскай каманды All Blacks Джона Лому памёр ва ўзросце сарака гадоў. Пра смерць Лому абвясціў новазеландскі саюз рэгбі.
На працягу сваёй кар'еры Лому прыняў удзел у 63 матчах за знакамітую каманду All Blacks. У 2007 годзе ён быў уведзены ў Міжнародную залу славы рэгбі.
Праз год пасля свайго дэбюту ў складзе прафесійнай каманды ў 1994 годзе, Лому адправіўся на чэмпіянат свету, дзе ажыццявіў сем спробаў у пяці матчах, у тым ліку чатыры ў паўфінале супраць Англіі.
Праз год пасля Кубка свету-1995 дактары выявілі ў Лому сур'ёзныя адхіленні ў працы нырак. Новазеландзец апынуўся на мяжы сыходу са спорту.
У 1998 годзе Лому зноў выйшаў на поле і здабыў для Новай Зеландыі перамогу на Гульнях Брытанскага садружнасці ў Куала-Лумпуры. А ў 1999 годзе ён прыняў удзел у сваім другім Кубку свету, зрабіўшы за турнір восем спробаў.
У 2004 яму была паспяхова праведзена аперацыя па перасадцы ныркі, донарам якой стаў фанат гульца.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м101
Каментары