На гэтым тыдні захаваецца не па сезоне цёплае надвор'е. Тэмпература паветра, у параўнанні з выходнымі, крыху панізіцца, але ўсё роўна будзе вышэй за норму на 3—5 градусаў.
Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітрый Рабаў.
Да выходных вызначаць надвор'е ў Беларусі будзе паўднёвы антыцыклон, таму вецер пачне сціхаць. Аднак у аўторак па ўсходзе краіны чакаецца ўзмацненне ветру парывамі да 15—20 м/с. Ападкі магчымыя толькі ў чацвер і пройдуць толькі месцамі. Гэтак жа месцамі будуць згушчацца туманы, ноччу і раніцай слабы галалёд.
8 снежня, у аўторак, мінімальная тэмпература ўначы складзе -1 — +5°С, максімальная днём +1 + 7°С.
9 снежня мінімальная тэмпература ноччу 0 — -5°С, максімальная днём 0 — +5°С.
10 снежня ўзровень тэмпературы прагназуецца ноччу -2 — +3°С, максімальная днём 0 — +6°С.
11 снежня, у пятніцу, мінімальная тэмпература ўначы складзе -2 — +3°С, максімальная днём 0 — +6°С.
У выходныя дні надвор'е зноў пагоршыцца, праз Беларусь будуць праходзіць атмасферныя франты з Заходняй Еўропы. Часам ападкі (мокры снег, дождж).
Месцамі слабы туман, галалёд. Тэмпература паветра мінімальная ноччу -3 — +2°С, максімальная днём -2 — +4°С.
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ6
Каментары