У Мінску да мая 2016 года рэалізуюць пілотны праект па стварэнні адасобленай паласы для руху грамадскага транспарту, паведаміў журналістам дырэктар дзяржустановы «Сталічны транспарт і сувязь» Валерый Шкуратаў.
«Распрацавана прапанова па будаўніцтве адасобленых палос. У цэлым плануем стварыць каля 73 км такіх палос. Першы пілотны праект мы маем намер рэалізаваць на скрыжаванні Лабанка — Прытыцкага. Заказчыкам выступіць УКБ Фрунзенскага раёна. Недзе да мая там будзе абсталявана пілотная зона», — сказаў Валерый Шкуратаў.
Пілотны праект прадугледжвае вынас прыпыначных пунктаў у першую паласу і стварэнне выдзеленых палос для руху транспарту. Пры гэтым прапускная здольнасць гэтага ўчастка не знізіцца, запэўніў дырэктар ДУ «Сталічны транспарт і сувязь».
Паводле яго слоў, на некаторых участках хуткасць перамяшчэння грамадскага транспарту сёння складае 8 км/г, фактычна яна прыраўноўваецца да хуткасці пешахода, што недапушчальна. Там, дзе ёсць такія праблемы, трэба выдзяляць асобныя палосы і стварыць умовы, каб транспарт мог рухацца хаця б з той хуткасцю, якая ёсць на іншых участках. На сёння аўтобусы і тралейбусы рухаюцца па горадзе з сярэдняй хуткасцю 15-17 км/г. «Але мэта хуткасных палос — дасягнуць хаця б 20 км/г», — сказаў дырэктар дзяржустановы.
Валерый Шкуратаў адзначыў, што паступова насельніцтва для аплаты праезду пераходзіць на бескантактныя смарт-карткі. Мінчане адыходзяць ад разавых паездак як у метро, так і ў наземным транспарце. Паводле апошняй інфармацыі, толькі каля 30 працэнтаў пасажыраў купляюць жэтон або разавы праязны квіток.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары