Беларускі паўабаронца Дзмітрый Бага ў нядзелю прыбыў у Хайфу, дзе пройдзе медыцынскае абследаванне і, калі не будзе выяўлена праблем са здароўем, падпіша кантракт з мясцовым «Хапаэлем». Меркавана — тэрмінам на паўтара года, паведамляе Tribuna.com.
Бага (нарадзіўся 4 студзеня 1990 г.) выступаў за БАТЭ з 2007 г. Сяміразовы чэмпіён краіны. За барысаўскі клуб правёў 182 матчы, забіў 23 мячы.
У снежні ў Багі скончыўся кантракт і клуб не стаў працягваць пагадненне з футбалістам.
***
«Хапаэль» Хайфа быў заснаваны ў 1923 г. Чэмпіёнам Ізраіля быў у 1999 г., тройчы валодаў кубкам краіны. У мінулым сезоне фінішаваў на 12-м месцы.
У сёлетнім сезоне ідзе на 10-м месцы (усяго ў чэмпіянаце гуляюць 14 клубаў), і сёння гуляе з Тэль-Авіве з тамтэйшым «Хапаэлем».
«Хапаэль» у перакладзе — «рабочы», у Ізраілі некалькі клубаў з такой назвай. Так у вышэйшай лізе (Лігат ха'аль) гуляе яшчэ тры «Хапаэлі».
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары