БТ паказала твар затрыманага баевіка «ДНР», а таксама расказала падрабязнасці справы
Учора ў перадачы «Галоўны эфір» на тэлеканале «Беларусь-1» быў паказаны рэпартаж пра затрыманага ў Мінску баевіка «ДНР». Тэлевізійшчыкі паведамілі, што 29-гадовага мужчыну (раней паведамлялася, што яму 35 гадоў) затрымалі проста на мінскім вакзале.
З сабой ён меў узнагароды, а таксама відэакадры з перадавой, якія даказваюць ягоны ўдзел у баявых дзеяннях.
У баевіка пазыўны «Тарас». Ягоныя калегі ў відэа кажуць: «Гэта Тарас, ён зусім «бязбашанны» на галаву. У Тараса зусім «башні» няма».
На кадрах «Тарас» дэманструе, як будзе забіваць праціўнікаў. Сам «Тарас» у кароткай нарэзцы размаўляе аднымі матамі.
Ён служыў у брыгадзе «Усход» больш за год. У вучэбцы «Тараса» пратрымалі ўсяго дзень, бо ў яго за плячыма была служба ў беларускім войску. Ён быў разведчыкам, удзельнічаў у баях за Данецкі аэрапорт.
Сам «Тарас» выхваляўся, што забіў больш за 100 чалавек. Ён меў з сабой узнагароду «За баявыя заслугі».
«Тарас» быў затрыманы 10 студзеня. Ён знаходзіўся ў вышуку праз нясплату аліментаў.
Каментары