У Дзяржынскім раёне злодзей скраў на дачы сякеру, сіроп і гарбату. Пра гэта гаворыцца на сайце УУС Мінаблвыканкама.
Крадзеж здарылася паблізу вёскі Бярэжа. Невядомы злодзей выставіў аконную раму ў адным з дачных дамоў у садовым таварыстве «Надзея інвалідаў» і пракраўся ў жыллё. Але ў доме злачынец не знайшоў, чым пажывіцца, акрамя сякеры, двух бутэлек сіропу і пачка гарбаты.
Калі ўладальнік дома — мінчук 1956 года нараджэння — выявіў сляды злачынства, ён адразу ж звярнуўся ў міліцыю.
Цяпер па факце крадзяжу распачатая крымінальная справа.
Цяпер чытаюць
Куды цяпер едуць вучыцца беларускія студэнты — топ краін і тэндэнцый14
Каментары