Польскія знішчальнікі F-16 могуць адправіцца «на сірыйскі фронт»
Польшча можа адправіць некалькі сваіх самых сучасных знішчальнікаў для змагання супраць ісламістаў у Сірыі, сказаў прэзідэнт краіны Анджэй Дуда.
Чакаецца, што яны будуць выконваць разведвальна-патрульныя місіі, паведамілі польскія СМІ.
Гэта будзе першае баявое выкарыстанне польскіх знішчальнікаў амерыканскай вытворчасці ў баявых умовах, піша wyborcza.pl.
Разам з самалётамі, якія будуць мець разведвальныя комплексы DB-110, у «паход на Усход» могуць адправіцца каля 100 адзінак лётнага і тэхнічнага персаналу.
Комплексы Goodrich DB110 здольныя заўважаць і аналізаваць цэлі ў радыусе да 100 км, а таксама ў рэальным часе перадаваць інфармацыю іншым карыстальнікам.
У небе Сірыі дзейнічаюць ужо самалёты многіх краін НАТА, а таксама арабскіх краін і Расіі.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары