ria.ru
Прысуд украінскай лётчыцы Надзеі Саўчанцы будзе абвешчаны 21 сакавіка, паведамляе ТАСС.
Сёння Надзея Саўчанка, якую судзяць у Данецку Растоўскай вобласці, выступіла з апошнім словам.
Пракуратура запатрабавала для яе 23 гады зняволення. Саўчанку вінавацяць у датычнасці да забойства ў чэрвені 2014 г. пад Луганскам двух расійскіх журналістаў.
Абарона настойвае на тым, што ў гэты час Надзея была ўжо ў палоне.
Ад 3 сакавіка Надзея трымае сухую галадоўку. Пасля пасяджэння 9 сакавіка яна сказала, што працягвае галадоўку.
«Хочаце паказаць сваю сілу — паказвайце, але памятайце, вы гуляеце з маім жыццём», — сказала Саўчанка.
Каментары