Распачаты працэс беатыфікацыі будаўніка Чырвонага касцёла Эдварда Вайніловіча
Працэс беатыфікацыі Эдварда Вайніловіча пачнецца ў гэтым годзе, паведаміў сёння журналістам мітрапаліт Мінска-Магілёўскі, арцыбіскуп Тадэвуш Кандрусевіч.
«10 красавіка пачнецца працэс беатыфікацыі Эдварда Вайніловіча, заснавальніка Чырвонага касцёла», - сказаў мітрапаліт, паведамляе БелТА.
Пра тое, што 10 красавіка ў Чырвоным касцёле пройдзе ўрачыстасць з нагоды пачатку беатыфікацыі Эдварда Вайніловіча сказаў у нядзелю, 20 сакавіка, падчас імшы і пробашч Уладзіслаў Завальнюк. Ён прывёў прыклад жыццёвага шляху Вайніловіча як узор дбайнага гаспадара, грамадзяніна і патрыёта.
Эдвард Вайніловіч (1847—1928) увайшоў у гісторыю як палітычны і грамадскі дзеяч. Быў ганаровым міравым суддзёй Слуцкага павета, членам Дзяржсавета Расіі ад Мінскай губерні, тройчы абіраўся ў Дзяржаўную думу і г.д. У 1910 годзе па яго ініцыятыве ў Мінску быў пабудаваны Чырвоны касцёл (Касцёл святых Сымона і Алены).
Каментары