У Брэсце 22 сакавіка грузавым цягніком Баранавічы — Брэст траўмаваны 24-гадовы жыхар Брэсцкага раёна.
Як паведамілі ў Брэсцкім аддзеле ўнутраных спраў на транспарце, надзвычайнае здарэнне адбылося ў 22.16 непадалёк ад чыгуначнага пераезду па вуліцы Фартэчнай. Машыніст цягніка заўважыў чалавека, які ляжаў у чыгуначнай каляіне, стаў падаваць гучныя папераджальныя сігналы, аднак той на іх не рэагаваў. Нягледзячы на экстраннае тармажэнне, пазбегнуць наезду не ўдалося.
Малады чалавек з закрытай чэрапна-мазгавой траўмай, страсеннем галаўнога мозгу, ранкамі на ілбе і ўдарам правага сцягна змешчаны ў цэнтральную гарадскую бальніцу. Яго стан ацэньваецца як здавальняючы.
Выяўлена, што хлопец знаходзіўся ў стане алкагольнага ап'янення. Паводле яго слоў, спатыкнуўшыся на чыгуначным пуці, ён упаў паміж рэйкамі, самастойна падняцца не здолеў, а потым заснуў і прачнуўся, калі машыніст цягніка запытаў, як ён сябе адчувае.
З пачатку 2016 года на ўчастку абслугоўвання Брэсцкага АУСТ зафіксаваныя тры выпадкі траўмавання цягнікамі людзей, адзін з іх са смяротным зыходам.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне65
Каментары