На ўскраіне вёскі Вілы Камянецкага раёна паблізу аднайменнага археалагічнага аб'екта знойдзены фрагменты шкілета чалавека, паведаміў навуковы супрацоўнік нацыянальнага парку «Белавежская пушча» Руслан Кніга.
Таксама ў лісінай нары знаходзілася вялікая колькасць фрагментаў керамікі, ідэнтычнай той, якая была знойдзена падчас археалагічных раскопак у 2007 годзе. Артэфакты выяўленыя за некалькі метраў ад археалагічнага аб'екта «Вілы-2» — паселішча эпохі мезаліту, неаліту, бронзавага веку і Сярэднявечча.
Пра незвычайную знаходку паведамілі мясцовыя жыхары. Чалавечыя парэшткі адправілі на экспертызу. Там пацвердзілі: фрагментам шкілета не менш за тры сотні гадоў.
«Магчыма, ліса раскапала старажытны могільнік. Новыя знаходкі сведчаць, што культурны пласт гэтага аб'екта яшчэ не да канца вывучаны. Такім чынам, у далейшых археалагічных пошукаў ёсць перспектыва. Усе артэфакты будуць апісаныя і, па магчымасці, дапоўняць гістарычную экспазіцыю Музея прыроды нацпарка», - паведаміў Руслан Кніга.
Гэта не першы выпадак, калі жывёлы дапамагаюць навукоўцам выявіць сляды гісторыі. Так, дзесяць гадоў таму ва ўрочышчы Язвы на месцы пясчанай «купальні» зуброў была знойдзеная каменная сякера часоў неаліту.
Стаянка чалавека перыяду позняга неаліту і бронзавага веку, якая атрымала назву «Археалагічны аб'ект «Вілы-2», знаходзіцца на паўднёва-заходняй ускраіне Белавежскай пушчы, ля месца зліцця рэк Лясная Правая і Белая. Аб'ект археалогіі адкрыты ў 2007 годзе. На старажытным селішчы археолагі знайшлі больш за тысячу артэфактаў, пачынаючы ад V стагоддзя да нашай эры і да перыяду Сярэднявечча. У прыватнасці, на гэтай тэрыторыі знойдзеныя матэрыялы Прыпяцка-нёманскай ранненеалітычнай культуры і фрагменты керамікі са шнуравой арнаментацыяй позняга неаліту і ранняга бронзавага веку.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі1
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2525
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра25
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары