Сталічная міліцыя шукае невядомага, які выкраў рэчы і грошы ў грамадзяніна ЗША.
Як паведамляе ГУУС Мінгарвыканкама, 27 сакавіка з 5.30 да 5.45 на трэцім паверсе чыгуначнага вакзала станцыі Мінск-Пасажырскі невядомы здзейсніў крадзёж пакета, у якім знаходзілася барсетка з дакументамі, банкаўскай картай і 780 далярамі ЗША, што належалі 63-гадоваму грамадзяніну ЗША.
У здзяйсненні крадзяжу падазраюць мужчыну, які трапіў у аб'ектыў камер відэаназірання. На выгляд мужчыну 55-60 гадоў, сярэдняга целаскладу. Быў апрануты ў цёмную кепку, светлыя куртку і штаны, клятчасты шалік альбо хустку. Пры сабе меў цёмны заплечнік і плецены кошык.
Тых, хто пазнаў падазраванага, міліцыя просіць паведаміць пра гэта па тэлефонах: (017) 225-02-02 (дзяжурная частка), (029) 726-96-48, (029) 381-86-03 або 102.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары