На Воранаўшчыне п'яны 20-гадовы кіроўца перакуліў машыну: загінула яго 2-гадовае дзіця
Аварыя адбылася 15 красавіка каля 21.00, каля вёскі Канвелішкі Воранаўскага раёна. Пра гэта паведамілі ў ДАІ Гродзенскай вобласці.
Як паведамілі інспектары, 20-гадовы кіроўца Audi не даў рады кіраванню на прамым участку дарогі з сухім асфальтабетонным пакрыццём, у выніку чаго аўтамабіль вылецеў у кювет, дзе перакуліўся.
Акрамя кіроўцы, у аўтамабілі ехалі тры пасажыры, у тым ліку яго жонка і 2-гадовы сын, якога мама перавозіла на руках. Дзіцячага ўтрымліваючага прыстасавання ў машыне не было.
У аварыі дзіця атрымала цяжкія траўмы і было дастаўлена ў рэанімацыйнае аддзяленне бальніцы, дзе праз гадзіну памерла. Ніхто з дарослых не пацярпеў.
Высветлілася, што кіроўца і яго жонка былі п'яныя. У дачыненні да мужчыны распачата крымінальная справа, ён змешчаны пад варту.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе14
Каментары