У Пінску падчас рамонту аўтамабіля смяротна траўмаваны 52-гадовы мясцовы жыхар.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, цела мужчыны 27 красавіка каля 18.30 у двары яго дома пад аўтамабілем «ВАЗ» выявіў сусед, які прыйшоў вярнуць гаечны ключ. Аб тым, што здарылася, ён паведаміў у хуткую дапамогу.
З яго слоў, днём пінчук адзін займаўся рамонтам асабістага аўтамабіля. Паводле папярэдняй версіі, калі мужчына спрабаваў зняць паўвось з «ВАЗа», адбылося перакульванне гідраўлічнага дамкрата, усталяванага на дзвюх цаглінах. Пры гэтым пярэдняе правае кола на транспартным сродку адсутнічала.
У выніку пінчука, які знаходзіўся пад маторным адсекам аўтамабіля, прыціснула да зямлі.
Пінскім міжраённым аддзелам Следчага камітэта па факце гібелі мужчыны праводзіцца праверка. Апытваюцца сваякі і суседзі загінулага, прызначаная судова-медыцынская экспертыза.
Пінчук пражываў разам з жонкай і сынам, падчас трагедыі іх дома не было. Раней мужчына працаваў кіроўцам.
Цяпер чытаюць
У Мінску масажыст Андрэй таемна здымаў голых кліентак19
Каментары