Лявон Вольскі прадставіў у сеціве кліп на песню «А хто там ідзе» з альбома «Грамадазнаўства». Тым часам на новы альбом, які мае стаць працягам гэтага дыска, ужо сабрана 86% неабходнай сумы.
Лявон Вольскі пракаментаваў кліп у сваім фэйсбуку:
«Дзякую за падтрымку новага альбома, дарагія сяброўкі і сябры! Ужо 86% ёсць. Праца над альбомам не спыняецца. А пакуль што прапаную паглядзець кліп Мацея Сабурава на песню «А хто там ідзе» з папярэдняга дыску «Грамадазнаўства». Кліп выкананы ў асноўных беларускіх колерах: чорным, белым, чырвоным і шэрым.
Калісьці я пісаў дыпломную працу ў гэтым каларыце. Атрымаў тры балы «за захапленне неўласцівымі нашаму народу фармалісцкімі тэндэнцыямі».
Рэжысёр Мацей Сабураў – аўтар шэрагу кліпаў для «Крамбамбулі» («Госці», «Каб мы калі каму чаго») і іншых артыстаў. «Ідэя была ў тым, каб зрабіць просты, але яркі ролік з акцэнтам на сэнс словаў і самаго Лявона. Калі ён спявае, на яго цікава глядзець», – патлумачыў Сабураў.
Падтрымаць новы альбом Лявона Вольскага можна праз сайт lavonvolski.com.
Цяпер чытаюць
Ціханоўскі на мітынгу ў Варшаве: Я зламаю гэты рэжым ВІДЭА4
Каментары