У Севастопалі прызналі, што «культурная інтэрвенцыя» дапамагла Расіі захапіць Крым.
Укладанне сродкаў Расійскай Федэрацыі ў адукацыю і культуру Севастопаля адыграла значную ролю ў анексіі Крыма. Пра гэта паведаміла дэпутат гарадскога парламента Севастопаля, старшыня камітэта па сацыяльна-гуманітарных пытаннях Таццяна Шчарбакова ў рамках фестывалю «Вялікае рускае слова».
«Шматмільярдныя ўліванні ў эканоміку суседняй краіны ў надзеі на лаяльнасць эліты, на жаль, не прынеслі вынікаў. Значна больш дзейсным сталася ўкладанне сродкаў у адукацыю і культуру. Прадмет «Севастопалезнаўства», праца з калектывамі ўстаноў культуры, разнастайныя навуковыя гуманітарныя форумы ў Севастопалі, напэўна, і «склалі» той менталітэт, які дазволіў севастопальцам у дні небяспекі сканцэнтравацца і, у канчатковым выніку, прывёў да таго выніку, які мы цяпер маем. Культурныя імпрэзы, вывучэнне роднай мовы, літаратуры, айчыннай гісторыі — усё гэта дапамагае захаваць духоўна-маральныя асновы «рускага свету»», — цытуе Шчарбакову прэс-служба парламента Севастопаля.
Спікерка Рады Федэрацыі Расіі Валянціна Матвіенка, якая ўзяла ўдзел у фестывалі «Вялікае рускае слова», паведаміла, што пасля 2014 гады Расія скарэктавала сваю палітыку «ў дачыненні да суайчыннікаў, умацавання адносін з замежным «рускім светам», які яднае дзясяткі мільёнаў чалавек у больш чым ста краінах». Напярэдадні, на адкрыцці фестывалю, Матвіенка заявіла, што Расія «павінна весці сур'ёзную працу па падтрымцы цікавасці да рускай мовы за мяжой».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА5
Каментары