Стваральніку сайта www.1863x.com блогеру Эдуарду Пальчысу, вядомаму як Джон Сільвер, прад'яўлена абвінавачванне, паведаміў журналістам 22 чэрвеня ў Мінску кіраўнік Следчага камітэта Беларусі Іван Наскевіч.
Паводле яго слоў, абвінавачанне было выстаўленае на мінулым тыдні. Блогер абвінавачваецца ў распальванні варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці (ч. 1 арт. 130 КК), а таксама ў вырабе і распаўсюджванні парнаграфічных матэрыялаў або прадметаў парнаграфічнага характару (арт. 343 КК).
«Па справе ўсё ясна. Само расследаванне не зацягнецца», — сказаў Наскевіч. Ён дадаў, што ў хуткім часе яе могуць перадаць у суд.
На пытанне БелаПАН, ці прызнаў Пальчыс сваю віну, кіраўнік СК адказаў, што пакуль не будзе даваць ацэнку дзеянням абвінавачанага.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам1
Каментары