Праект па зборы сродкаў для выданне «Чытанкі-хрысціянкі», каляровай азбукі-размалёўкі для дзяцей, ужо размешчаны на платформе.
Тыдзень таму ініцыятарка стваральніца «Чытанкі-хрысціянкі» Вольга Севярынец атрымала адмову ад Talaka.by па прычыне «рэлігійнасці выдання».
Пасля розгаласу ў Інтэрнеце каардынатары платформы Talaka.by нават планавалі стварыць адмысловую камісію, якая б вырашыла, ці можа азбукі-размалёўкі стаць адным з праектаў на іх сайце. У выніку пастанавілі падтрымаць «Чытанку-хрысціянку».
«Забарона на разьмяшчэньне рэлігійных праектаў на платформе Talaka.by скасаваная. Выключэннем будуць праекты, якія парушаюць актуальнае заканадаўства», — гаворыцца на старонцы платформы ў фэйсбуку.
Як патлумачыў заснавальнік платформы Яўген Клішэвіч, Talaka.by пастанавіла скасаваць такую забарону, бо «часам цяжка правесці мяжу паміж рэлігійнымі і грамадскімі, культурнымі ці сацыяльнымі праектамі»:
«Наша платформа стваралася, каб дапамагаць актыўным людзям агульнымі намаганнямі рэалізоўваць грамадскія, прадпрымальніцкія, культурныя і сацыяльныя праекты і падтрымліваць гуртаванне супольнасці неабыякавых людзей, якія дапамагаюць адно аднаму. А раз адрозьніць праекты з рэлігійным зьместам ад вышэй пералічаных даволі складана, мы не будзем абмяжоўваць іх у размяшчэнні».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)