Суздальцаў абураецца беларускай дэнамінацыяй: «Грошы падобныя да еўра, і на іх няма ні слова па-руску»
Расійскі палітолаг Андрэй Суздальцаў, у свой час дэпартаваны з Беларусі, выказаўся пра дэнамінацыю беларускага рубля.
«Ва ўвядзенні новага беларускага рубля няма ніякага эканамічнага сэнсу. У Беларусі вельмі нізкі ўзровень золатавалютных рэзерваў, эканоміка ў вельмі глыбокім крызісе, існуе непраходзячая глыбокая пагроза фінансавай дэстабілізацыі, — мяркуе ён. — Фактычна Беларусь набірае крэдыты за мяжой і разлічваецца па іх расійскімі грашыма. Умовы — больш чым камфортныя, але эканоміка загінаецца, што ставіць пад пагрозу дэнамінацыю. Не выключана, што новыя капейкі і рублі неўзабаве будуць непрыдатныя».
«Затое палітычны сэнс у дэнамінацыі ёсць. Новы рубель вельмі падобны на еўра: тая ж каляровая гама, тыя ж памеры і нават размяшчэнне асноўных дэталяў на купюрах ідэнтычна — гэтак жа падобныя да еўрацэнтаў і новыя беларускія манеты. Валюта дэманструе еўрапейскую інтэграцыю нават знешнім выглядам. На ёй няма ні слова па-руску. Хоць па канстытуцыі рэспублікі ў краіне дзве дзяржаўныя мовы», — абураецца Суздальцаў.
«Ёсць і псіхалагічны момант. Беларусам падабаецца думаць, што іх рубель у 32 разы больш важкі за расійскі. Прыемная ілюзія», — падсумоўвае палітолаг.
-
Зміцер Дашкевіч: У выгнанні я валацуга, але маю тое, чаго цяпер не было б для мяне ў Беларусі — магчымасць прыносіць Госпаду плод
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
-
Паўлючэнка пра вяртанне Пачобута: «Пункт біфуркацыі, пасля якога шмат зменіцца»
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары