Адданыя прыхільнікі Дэніэла Рэдкліфа, якому прынесла папулярнасць ролю Гары Потэра, ведаюць, што некалькі гадоў таму ў акцёра былі сур'ёзныя праблемы з алкаголем. Напярэдадні Рэдкліф распавёў прадстаўнікам выдання The Telegraph, як яму ўдалося перамагчы залежнасць.
Па словах акцёра, ён адносіцца да тых людзей, якія кардынальна мяняюцца, калі вып'юць. Дэніэл прызнаўся, што станавіўся іншым чалавекам пасля ўжывання алкаголю, аднак ён сам не можа сказаць, якім, паколькі ўсё, што адбываецца вакол, у той час было падобна на хаос. Акцёр адзначыў, што ў адзін момант ён зразумеў, што стаміўся быць залежным, таму вырашыў перамагчы сваё захапленне алкагольнымі напоямі.
Дэніэл Рэдкліф падкрэсліў, што справіцца з залежнасцю яму дапамог спорт. Праўда, акцёр не хавае, што працэс пазбаўлення ад залежнасці праходзіў вельмі доўга і даволі пакутліва. Аднак цяпер Дэніэл з гонарам можа сказаць любому, што ўжо тры гады не ўжывае спіртнога.
Заканчваючы размову з журналістамі, Рэдкліф сказаў, што прыхільнасць да алкаголю ў яго з'явілася ў сувязі з раптоўнай славай, якая прыйшла да акцёра пасля выхаду «Гары Потэра».
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ7
Каментары