Дзятлаўскі раённы аддзел Следчага камітэта распачаў справу па факце забойства заведама састарэлай асобы (п. 2 ч. 2 арт. 139 КК), паведаміў афіцыйны прадстаўнік УСК па Гродзенскай вобласці Сяргей Шаршаневіч.
Каля 17 гадзін 5 ліпеня ў вёсцы Барташы Дзятлаўскага раёна мясцовыя жыхары заўважылі ў жылым доме 75-гадовай жанчыны, якая жыла адна, разбітае акно і раскіданыя ўнутры памяшкання рэчы, пра што паведамілі ў праваахоўныя органы. Следчыя, эксперты і супрацоўнікі міліцыі, прыбыўшы на месца здарэння, знайшлі ў доме цела гаспадыні з множнымі колата-рэзанымі ранамі.
Эксперты аператыўна накіравалі ўзятыя з месца здарэння сляды ва ўпраўленне Дзяржаўнага камітэта судовых экспертыз па Гродзенскай вобласці для праверак па крыміналістычных уліках. У выніку на працягу некалькіх хвілін, яшчэ на стадыі агляду месца здарэння, устанавілі раней судзімага 19-гадовага жыхара гарадскога пасёлка Наваельня Дзятлаўскага раёна, якому належаў адзін са слядоў.
Пра магчымае дачыненне да злачынства згаданай асобы сведчыла і інфармацыя, атрыманая аператыўнымі супрацоўнікамі міліцыі. Акрамя гэтага, шэраг паралельна праведзеных следчых дзеянняў дазволіў вызначыць, што забойства пенсіянеркі было ўчыненае ўвечары 4 ліпеня.
Падазраваны быў затрыманы ў раёне чыгуначнага вакзала Мінска. У яго канфіскаваны нож, а на вопратцы выяўленыя сляды, характэрныя для ўчынення забойства. З мэтай высвятлення ўсіх абставінаў злачынства, у тым ліку матываў, праводзіцца комплекс далейшых следчых дзеянняў і экспертных даследаванняў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары