Бухарэсту варта наўпрост дамаўляцца з Масквой пра аб'яднанне Малдовы з Румыніяй. Пра гэта на сустрэчы са слухачамі летняга ўніверсітэта Ізвору Мурэшулуй заявіў экс-прэзідэнт Румыніі Траян Бэсеску. На яго думку, прэзідэнт Расіі Уладзімір Пуцін - той «чалавек, з якім можна дамаўляцца».
На думку румынскага палітыка, Бухарэст павінен прыводзіць у якасці аргументу тую акалічнасць, што на тэрыторыі Малдовы «пражывае румынская нацыянальная меншасць».
— Мы павінны гаварыць гэтак жа, як Масква, якая ўзяла на сябе абавязацельствы абараняць рускамоўных грамадзян у іншых дзяржавах. Грунтуючыся на гэтай тэорыі, Румынія мае права размаўляць з Крамлём, звяртаючы ўвагу на тое, што ў Малдове пражывае румынская нацыянальная меншасць, - заявіў Бэсеску.
Ён мяркуе, што перамовы з Масквой будуць працяглымі, аднак за час іх правядзення грамадзян, якія жадаюць уніры, стане большасць.
На думку былога прэзідэнта, румынскія дыпламаты павінны быць больш актыўнымі. Бухарэст, на яго погляд, павінен быць упэўнены, што малдоўскі парламент не будзе супраць такіх перамоваў. Ён лічыць, што ў выпадку, калі аб'яднанне ўсё-такі адбудзецца, у склад дзяржавы не ўвойдзе Прыднястроўе, бо Еўрасаюз «не хоча імпартаваць замарожаныя канфлікты».
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты17
Каментары