Залева ў пятніцу, 8 мая, паралізавала рух у Мінску. Паводле даных сэрвісу «Яндэкс», загружанасць дарог да 17:00 дасягнула максімальных 10 балаў. Самая складаная сітуацыя ў Фрунзенскім раёне, піша Office Life.
Мінск, вуліца Лынькова. Фота: «Метэавайб»
У МНС паведамілі, што ў сталіцы падтапіла сем участкаў дарог. З-за вялікай вады часова сталі 23 маршруты — 11 тралейбусных і 12 аўтобусных. Зараз транспарт зноў пайшоў, але на агульную сітуацыю з коркамі гэта пакуль паўплывала мала.
Фота: Яндэкс-Карты
Асноўныя сілы ратавальнікаў і камунальнікаў былі кінутыя на некалькі пунктаў:
- ГД «Ждановічы»: там расчышчаюць забітую ліўневую каналізацыю;
- вуліцы Люцінская, Мазурава і Лабанка: тут адпампоўваюць ваду, а з Мазурава і Лабанка ратавальнікам давялося ўручную выцягваць два легкавікі;
- прыватны сектар: у Фрунзенскім і Маскоўскім раёнах вада зайшла на тэрыторыю домаўладанняў.
Скрыншот з відэа МНС
Нягледзячы на сур'ёзныя ападкі, абышлося без пацярпелых, дрэвы таксама не падалі.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс18
Каментары