На Гаваях завершыўся эксперымент па сімуляцыі жыцця на Марсе
НАСА скончыла эксперымент па сімуляцыі жыцця на Марсе, які доўжыўся адзін год. Каманда з шасці навукоўцаў жыла на Гаваях ва ўмовах, у якіх людзі, па чаканням навукоўцаў, будуць жыць на Марсе.
З 29 жніўня 2015 года група знаходзілася ў амаль поўнай ізаляцыі. Шэсць чалавек жылі ў невялікім купалападобным будынку без свежага паветра, свежай ежы і магчымасці як-небудзь адасобіцца. З прадуктаў харчавання ў іх былі ў асноўным кансервы.
Удзельнікі эксперыменту маглі выходзіць на вуліцу толькі ў спецыяльных касцюмах.
Навукоўцы мяркуюць, што прыкладна так будуць жыць астранаўты, якія паляцяць на Марс. Працягласць місіі, па іх ацэнках, можа скласці ад аднаго года да трох гадоў.
Даследаванне правёў Гавайскі універсітэт пры падтрымцы НАСА. Навукоўцы спрабавалі зразумець, як чалавек адчувае сябе ў падобных умовах.
Зараз, па словах арганізатараў сімуляцыі, ўдзельнікі хочуць паесці свежай ежы і выкупацца ў акіяне. У эксперыменце ўдзельнічалі французскі астрабіёлагі, нямецкі фізік і чатыры амерыканцы — пілот, архітэктар, журналіст і аграном.
Эксперымент НАСА стаў другім па працягласці такім даследаваннем у свеце. Самую доўгую сімуляцыю умоў пражывання на Марсе правялі ў Расіі ў рамках праекта «Марс-500». Шэсць чалавек правялі ў ізаляцыі 520 дзён з чэрвеня 2010 года па лістапад 2011 года.
Пракуратура пра смерць Мелказёрава: журналіст меў хранічную хваробу17
Каментары