Суд Тайланда прысудзіў да 35 гадоў турэмнага зняволення мужчыну, які арганізоўваў незаконны ўезд мігрантаў у краіну.
Сунанд Саенгтонг быў злоўлены, калі спрабаваў перавезці праз мяжу краіны каля сотні чалавек, якія знаходзіліся ў пяці аўтамабілях. Каля 40 удзельнікам групы было менш за 14 гадоў.
Пры гэтым мясцовыя праваабаронцы паведамляюць, што аўтамабілі, у якія перавозіліся мігранты, былі так шчыльна набітыя, што людзям было складана дыхаць, а некаторыя памерлі ў шляху задыхнуўшыся.
Абвінавачаны таксама павінен выплаціць штраф у 660 тысяч бат (19 тысяч даляраў), перадае агенцтва Франс прэс са спасылкай на прэс-службу суда.
Два супольнікі Саенгтонга былі прысуджаныя адпаведна да аднаго і шасці месяцаў зняволення.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1
Каментары