Былы супрацоўнік Агенцтва нацыянальнай бяспекі ЗША Эдвард Сноўдэн папрасіў прэзідэнта краіны Барака Абаму памілаваць яго.
У інтэрв'ю The Guardian па відэасувязі Сноўдэн заявіў, што публікацыя сакрэтных дакументаў аб сачэнні амерыканскіх і брытанскіх спецслужбаў прынесла карысць грамадзянам ЗША, а таксама была правільнай з пункту гледжання маралі. Акрамя таго, яна прывяла да пазітыўных змен у амерыканскім грамадстве.
«Кангрэс, суды і прэзідэнт — усе яны памянялі сваю палітыку ў выніку тых публікацый. Да гэтага часу не было апублікавана ніякіх доказаў таго, што ў выніку [апублікавання сакрэтных дакументаў] нехта падвергнуўся небяспецы», — сказаў ён.
Заява Сноўдэна прагучала пасля таго, як стала вядома аб намерах праваабаронцаў запусціць кампанію з патрабаваннем памілаваць былога аналітыка АНБ. Сайт кампаніі пакуль не запушчаны.
У Абамы ёсць права памілаваць Сноўдэна да студзеня 2017 года, пакуль ён займае пасаду прэзідэнта ЗША. The Guardian адзначае, што шанцы на такое развіццё падзей вельмі нізкія.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары