Быць дэпутатам — не вольная работа, а цяжкая праца. Пра гэта Аляксандр Лукашэнка заявіў сёння на сустрэчы са старшынёй Палаты прадстаўнікоў Уладзімірам Андрэйчанкам, перадае БелТА.
Аляксандр Лукашэнка і Уладзімір Андрэйчанка абмеркавалі фармат запланаванай сустрэчы дэпутатаў Палаты прадстаўнікоў пятага і шостага скліканняў. «Будучым дэпутатам будзе цікава паслухаць, чым займаўся парламент ўчора і чым будзе займацца заўтра. Гэта ж не прыйсці, пасядзець або прапусціць сесію — такая добрая і вольная работа, гэта — цяжкая праца», — падкрэсліў кіраўнік краіны.
Лукашэнка таксама звярнуў увагу на працаўладкаванне цяперашніх дэпутатаў. «Можа, будуць нейкія пажаданні па працаўладкаванні тых, хто сыходзіць з парламента, але не з палітычнага жыцця, — сказаў Аляксандр Лукашэнка. - Паглядзіце, каб сыходзячыя з парламента дэпутаты былі запатрабаваныя ў жыцці. Ёсць дэпутаты, якіх мы страціць не можам».
Старшыня Палаты прадстаўнікоў праінфармаваў кіраўніка краіны, што ўсяго неабходна працаўладкаваць 28 чалавек. «На сённяшні дзень разам з Адміністрацыяй прэзідэнта, урадам і губернатарамі мы ўжо вырашылі пытанне ў дачыненні да 21 дэпутата», - адзначыў ён.
Каментары