А што нам тая апазыцыя? Яна нам дапаможа!
Аляксандар Мілінкевіч сустрэўся з жыхарамі мікрараёну «Ўсход-2», якія пратэстуюць супраць забудовы Севастопальскага парку.
Аляксандар Мілінкевіч сустрэўся з жыхарамі мікрараёну «Ўсход-2», якія пратэстуюць супраць забудовы Севастопальскага парку.
На сустрэчу а 18.30 каля дыспэтчарскай станцыі «Славінскага» прыйшло каля паўсотні мясцовых жыхароў. За будынкам станцыі стаялі аўтобус і звыклы ўжо зялёны аўтазак. Побач праходжваліся коратка пастрыжаныя мужчыны. Журналісты заўважылі групу з трох маладзёнаў, апранутых ва ўсё чорнае, у вайсковых берцах і з кароткімі фрызурамі. Яны рэгулярна падыходзілі да аўто зь міліцыянтамі і выслухвалі інструкцыі супрацоўніка ў цывільным. Маладыя людзі старанна хавалі твары ад фотааб’ектываў.
Калі зьявіўся Аляксандар Мілінкевіч, яго хутка абступілі жыхары прылеглых вуліцаў. На палітыка яны рэагавалі па-рознаму — хто з пагардай («А што нам тая апазыцыя скажа? Мы ж і так усё самі ведаем?»), а хто з надзеяй («Нам дапамогуць! Трэба змагацца!»), але аднолькава эмацыйна. Часам людзі зрываліся на крык. Узгадвалі і малую пэнсію, і адмену ільготаў, і зьдзек улады са старых. Выглядала, што людзі былі ўзрушаныя тым фактам, што хтосьці цікавіцца іх праблемай, бо «ўлады нас ня слухаюць і ня чуюць». Пераважную большасьць удзельнікаў сустрэчы складалі пэнсіянэры, але сустракаліся і маладыя людзі. Шмат хто далучаўся выпадкова, пабачыўшы натоўп.
Сустрэча працягвалася больш за гадзіну. Прысутныя літаральна не адпускалі А. Мілінкевіча, выгаворваючы яму сваё набалелае.
Нагадаем, што паводле плянаў уладаў горада, шасьціпалосная магістраль павінна была прайсьці ад перасячэньня вуліц Філімонава і Кядышкі праз Севастопальскі парк па вуліцы Олешава да Даўгінаўскага тракту або па вуліцы Каліноўскага. Жыхары раёну ўжо аднойчы адстаялі свае інтарэсы, і пракуратура Беларусі адмяніла рашэньне аб будаўніцтве элітных дамоў у парку.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары