У Мексіцы шукаюць прастытутку з Расіі, якая пакінула дзіця адно дома і паехала ў клуб. Хлопчык памёр ад голаду
Напярэдадні Новага года 34-гадовая расіянка Вольга Ідэлевіч патэлефанавала дактарам, сказаўшы, што яе дзіця дрэнна пачуваецца, пішуць «Осторожно, новості».
Медыкі знайшлі 6-гадовага Амара, калі ён ужо быў без прытомнасці, — у кватэры без вады, газу і ацяплення. Хлопчыка адвезлі ў бальніцу, але выратаваць яго не ўдалося.
Ідэлевіч заявіла паліцэйскім, што дрэнна ведае іспанскую мову і адмовілася даваць паказанні. Неўзабаве пасля сыходу супрацоўнікаў яна збегла з кватэры. На дадзены момант яе месцазнаходжанне невядома.
Паводле папярэдніх даных следства, жанчына была сэкс-работніцай. За некалькі дзён да выкліку дактароў яна пайшла ў начны клуб, пакінуўшы Амара аднаго.
Шэсць гадоў таму жанчына нарадзіла хлопчыка ад мексіканца Марка Антоніа Міджангаса, але ў тым жа годзе пара разышлася, і Вольга падала на мужчыну ў суд. На яе старонцы ў Facebook апублікаваны шматлікія звароты да Марка: яна пісала, што бацька ніяк не ўдзельнічае ў выхаванні сына і нават не спрабуе дапамагчы фінансава.
Як мяркуюць мясцовыя журналісты, каб пракарміць сям’ю, Ідэлевіч была вымушана заняцца сэкс-справай.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?5
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары