З аўкцыёну хочуць прадаць будынак гатэля каля мінскага стадыёна «Дынама»
Гатэль у шматфункцыянальным цэнтры Centropol, што каля стадыёна «Дынама» ў Мінску, прадаюць на аўкцыёне. Інфармацыя пра аб'ект з'явілася на пляцоўцы «БелЮрЗабеспячэнне».
Гатэль быў запланаваны ў адной з частак Centropol, у другой працуе супермаркет. Але планам здзейсніцца было не суджана, і цяпер гатэль прадаюць за даўгі замежнага будаўнічага прадпрыемства «Гермес Канстракшн».
Памяшканні, дзе павінен быў размяшчацца гатэль, належаць кампаніі «Дзі-бізнэс Салюшнз Лімітэд». На аўкцыён выставілі пяць памяшканняў плошчай ад 450 да 682 кв. м. Кожнае знаходзіцца на асобным узроўні з шостага па дзясяты паверх.
Пачатковая цана аб'екта — ад 2,3 да 3,4 млн рублёў, што складае ад $671 тыс. да $1 млн. Аўкцыён запланаваны на 28 студзеня.
Сярод абцяжаранняў ёсць іпатэка, якую пакрыюць за кошт продажу аб'ектаў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары