Міністэрства ўнутраных спраў Грузіі заявіла, што былы прэзідэнт краіны Міхаіл Саакашвілі будзе адразу ж арыштаваны, калі паспрабуе вярнуцца ў краіну.
Кіраўнік МУС Георгій Мгебрышвілі нагадаў грузінскім журналістам, што Саакашвілі знаходзіцца ў вышуку адразу па некалькіх крымінальных справах. У сувязі з гэтым паліцыя затрымае яго адразу пасля прыбыцця ў Грузію, сказаў ён.
Саакашвілі, які працуе цяпер губернатарам Адэскай вобласці Украіны, нядаўна заявіў, што вернецца ў Грузію адразу пасля абвяшчэння вынікаў экзіт-полаў пасля парламенцкіх выбараў, прызначаных на 8 кастрычніка.
У выбарах удзельнічае партыя Саакашвілі «Адзіны нацыянальны рух». Таксама ў мажарытарныя дэпутаты балатуецца яго жонка Сандра Рулоўс.
Саакашвілі пакінуў Грузію пасля таго, як на пасаду ў 2013 годзе ўступіў новы прэзідэнт Георгія Маргвелашвілі. Пры новых уладах ў дачыненні да Саакашвілі было заведзена некалькі крымінальных спраў.
Былога прэзідэнта падазраюць у растраце дзяржаўных сродкаў, перавышэнні паўнамоцтваў у сувязі з разгонам пратэстнай акцыі ў 2007 годзе і ў датычнасці да збіцця апазіцыянера.
Саакашвілі завочна арыштаваны і абвешчаны ў дзяржаўны вышук, аднак дамагчыся яго абвяшчэньня ў міжнародны вышук праваахоўныя органы Грузіі не змаглі. Сам Саакашвілі сваё крымінальны перасьлед называе палітычна матываваным.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары