5 кастрычніка ў міліцыю паступіў сігнал ад відавочцаў, якія паведамілі, што з даху пяціпавярховага дома зваліўся 17-гадовы навучэнец каледжа.
Паводле адной з версій, малады чалавек сарваўся з даху, калі спрабаваў зрабіць сэлфі. Пра гэта паведаміў намеснік пракурора Брэста Іван Чайчыц.
Медыкі, якія прыбылі на месца здарэння, даставілі пацярпелага ў бальніцу. На дадзены момант ён знаходзіцца ў рэанімацыі.
«Следчым камітэтам праводзіцца праверка па факце траўмавання 17-гадовага юнака. Ён шпіталізаваны. Вывучаюцца абставіны», — паведаміла афіцыйны прадстаўнік Следчага камітэта Юлія Ганчарова.
Каментары