50-гадовая амерыканская спявачка Джанет Джэксан абвясціла аб сваёй першай цяжарнасці ў інтэрв'ю часопісу People, пацвердзіўшы такім чынам чуткі, якія з'явіліся раней.
«Дзякуй Богу, што блаславіў нас», — сказала спявачка ў эксклюзіўным інтэрв'ю часопісу. Інтэрв'ю было апублікавана разам з фота, на якім відаць жывоцік спявачкі.
Чуткі аб цяжарнасці Джэксан з'явіліся пасля таго, як яна раптам адклала пачатак свайго канцэртнага тура, патлумачыўшы гэта сямейнымі прычынамі. Пазней Джэксан заўважылі ў Лондане, калі яна купляла дзіцячыя рэчы.
Яшчэ адна крыніца часопіса People распавяла, што Джэксан і яе муж, катарскі мільярдэр Вісам аль-Мана вельмі радыя будучаму папаўненню.
Джанет Джэксан — знакамітая амерыканская поп- і RnB-спявачка, кампазітар, аўтар песень і актрыса, якая распачала сваю кар'еру ў васьмідзесятых гадах. Джанет — малодшая сястра Майкла Джэксана, які памёр у 2009 годзе.
Паводле дадзеных часопіса Billboard, Джэксан уваходзіць у спіс самых прадаваных выканаўцаў за ўсю гісторыю сучаснай поп-музыкі: па ўсім свеце прададзена больш за 100 мільёнаў копій яе запісаў.
Амерыканская асацыяцыя гуказапісвальных кампаній (RIAA) паставіла яе на 11 радок у рэйтынгу самых прадаваных амерыканскіх выканаўцаў.
-
«Я была толькі абалонкай чалавека». Кайлі Міноўг расказала, як у яе другі раз дыягнаставалі рак і як яна не хацела пра гэта расказваць
-
«Еўрабачанне» выйграла Балгарыя. Гэта першая перамога гэтай краіны ў гісторыі конкурсу
-
Фінляндыя, Данія, Нарвегія. Або Грэцыя ці Францыя? Топ сёлетняга «Еўрабачання»
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары