На поўначы М'янмы ў кар'ер, дзе здабываюць нефрыт, упаў з неба вялікі металічны аб'ект, паведамляе ВВС са спасылкай на дзяржаўныя СМІ. Цыліндрычны аб'ект — 4,5 м у даўжыню і 1,2 м у шырыню — быў знойдзены ў чацвер у штаце Качын.
Амаль у той жа час яшчэ адзін кавалак металу з надпісам на кітайскай мове праламаў дах суседняга дома, абышлося без ахвяр і пацярпелых.
Як мяркуецца, абломкі могуць быць звязаныя з запускам кітайскага эксперыментальнага спадарожніка «Пульсар», які ракетаносьбіт «Чанчжэн-11» вывеў на арбіту ў ноч на чацвер.
Па словах чыноўнікаў, аб'ект, які прыляцеў з неба, пасля ўдару аб зямлю адскочыў на 50 метраў, а затым упаў у кар'ер, перадае газета Global New Light of Myanmar.
Мясцовыя жыхары распавялі, што пачулі гук, падобны да выбуху.
«Мы ўсе спалохаліся гэтага выбуху», — сказаў выданню Myanmar Times жыхар вёскі Да Маўнг Міа. «Спачатку мы думалі, што гэта пачаліся баі. З-за выбуху нашы хаты задрыжалі», — распавёў ён. Паводле яго слоў, паблізу аб'екта адчуваўся едкі пах.
«Як мяркуецца, знойдзеныя металічныя аб'екты могуць быць часткамі спадарожніка або дэталямі рухавіка ад самалёта або ракеты», — паведамляе Global New Light.
Урад штата Качын заявіў, што пакуль ідэнтыфікаваць аб'ект не ўдалося.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»33
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары