Размяшчэнне Расіяй ракетных комплексаў на Курыльскіх выспах выклікае шкадаванне, заявіў прэм'ер-міністр Японіі Сіндза Абэ.
«Чатыры выспы з'яўляюцца неад'емнай часткай тэрыторыі нашай краіны. Мы перадалі па дыпламатычных каналах, што гэта […] несумяшчальна з пазіцыяй нашай краіны і выклікае шкадаванне», — цытуе Абэ Reuters.
Пра тое, што Расія размясціла найноўшыя берагавыя ракетныя комплексы «Бастыён» і «Бал» на Паўднёвых Курылах, стала вядома 22 лістапада.
Комплекс «Бастыён» быў размешчаны на востраве Ітуруп, а комплекс «Бал» — на востраве Кунашыр, нагадвае Бі-бі-сі. Абедзве выспы ўваходзяць у групу Курыльскай грады, іх тэрытарыяльную прыналежнасць аспрэчвае Японія.
Як паведамілі ў Крамлі, размяшчэнне ракет не павінна паўплываць на «цэнтраімклівыя тэндэнцыі» ў адносінах з Токіа.
Прэзідэнта Расіі Уладзіміра Пуціна чакаюць з візітам у Японію ў сярэдзіне снежня.
А на пачатку верасня Пуцін дапусціў кампраміс з Японіяй наконт Курылаў.
«Гаворка не ідзе пра нейкі абмен, пра нейкія продажы, гаворка ідзе аб пошуку вырашэння, пры якім ніводны з бакоў не будзе адчуваць сябе ні пераможаным, ні прайграўшым», — сказаў тады Пуцін.
У чацвер афіцыйны прадстаўніца МЗС Расіі Марыя Захарава заявіла, што мэтай разгортвання ракет з'яўляецца ўмацаванне нацыянальнай бяспекі «на планавай аснове».
«Паўднёвыя Курылы з'яўляюцца неад'емнай часткай расійскай тэрыторыі», — дадала прадстаўнік МЗС.
Пасля Другой Сусветнай вайны выспы Ітуруп, Кунашыр, Шыкатан і група астравоў Хабамаі ўвайшлі ў склад СССР. Японія лічыць, што гэта адбылося незаконна, і спрабуе вярнуць выспы.
Расія мяркуе, што ў Японіі няма прычын аспрэчваць прыналежнасць выспаў.
Праз гэты канфлікт краіны да гэтага часу не падпісалі мірнае пагадненне пасля заканчэння Другой сусветнай вайны.
Каментары