Lufthansa закрывае свой офіс продажаў у Мінску. Цяпер забраніраваць білет на рэйс гэтай авіякампаніі можна будзе толькі на сайце або па тэлефоне кол-цэнтра.
«Люфтганза» ад 5 снежня закрывае офіс продажаў у Мінску, які працаваў па адрасе: праспект Незалежнасці, 56. У кол-цэнтры авіякампаніі пацвярджаюць гэтую інфармацыю, але не называюць прычыны такога рашэння.
«Квіткі цяпер можна будзе купіць альбо на сайце, альбо па тэлефоне +375 17 292-89-99. І для першага, і для другога варыянту спатрэбіцца картка. Ёсць яшчэ магчымасць звярнуцца ў турыстычныя агенцтвы, якія прадаюць нашы квіткі, але яны спаганяюць дадатковы сэрвісны збор, пра памер якога нам нічога не вядома, — паведамілі TUT.BY у кол-цэнтры. — Што тычыцца Нацыянальнага аэрапорта, там ужо даўно няма прадстаўніцтва «Люфтганзы». Там рэйсы абслугоўвае партнёрская авіякампанія, якая толькі рэгіструе на рэйсы, але не прымае аплату, не браніруе квіткі».
Палёты з Мінска ў Франкфурт, якія сёння выконвае перавозчык, працягнуцца.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары