Памятныя манеты беларускага Нацыянальнага банку ўзялі шэраг узнагародаў на Міжнародным конкурсе «Манетнае сузор’е — 2008».
У намінацыі «Манета года» перамагла памятная манета «Крыж Эўфрасіньні Полацкай» (мастак Сьвятлана Заскевіч).
Манета таксама атрымала «Прыз глядацкіх сымпатыяў» па выніках галасаваньня ў Інтэрнэце і ўзяла другое месца ў намінацыі «Арыгінальная тэхналёгія» (прыз уручаны Маскоўскаму манетнаму двару, які чаканіў манету).
На манеце наміналам у 1 000 беларускіх рублёў адлюстравана Спаская царква, заснаваная сьв. Эўфрасіньняй Полацкай.
З адваротнага боку зьмешчана рэльефная выява Крыжа Эўфрасіньні Полацкай, пакрытая золатам і упрыгожаная рознакаляровымі камянямі.
У намінацыі «Срэбная манета года» лепшай апынулася «Легенда пра бусла» (мастак Аксана Навасёлава) наміналам у 20 рублёў.
На ёй — вобраз народнай культуры, калаўрот (сымбаль вечнага руху).
Бліжэй да краёў манеты, калаўрот паступова пераходзіць у гадавыя колы на зрэзах дрэва, аздобленыя беларускімі ўзорамі і выявамі буслоў.
На рэверсе манеты — стылізаваная выява бусла. Ён уздымае крылы, ахопліваючы зоры, месяц у выглядзе скручанай зьмейкі і жабу — сузор’е.
Манеты «Масьленіца» і «Беларускі балет — 2007» занялі другое месца ў намінацыях «Удалае мастацкае вырашэньне» і «Залатая манета года» адпаведна.
У «Манетным Сузор’і — 2008» ўдзельнічала 80 манетаў з Даніі, Гішпаніі, Казахстану, Польшчы, Расеі, Фінляндыі, Арменіі, Беларусі, Балгарыі, Кыргызстану, Латвіі, Літвы, Украіны і Ліхтэнштэйну.
Манеты ацэньваліся міжнародным журы, у склад якога ўваходзілі прадстаўнікі музэяў Расеі, Вялікабрытаніі, Аўстрыі, Літвы, Латвіі, адмыслоўцы з Арменіі, Беларусі, Нямеччыны, Італіі, Прыднястроўя і Францыі, а таксама прадстаўнікі камэрцыйых банкаў.
Узнагароджаньне пераможцаў конкурсу, арганізаванага расейскім выдавецтвам «Уотер Марк», адбылося ў Пецярбургу на першай эўрапэйскай канфэрэнцыі па памятных манетах «COINS‑2008».
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары