У Срэбраніцы згадваюць ахвяраў масавай разьні 1995 г., учыненай басьнійскімі сербамі.
У гэты ж дзень былі перапахаваныя рэшткі больш чым 300 чалавек.
Забойства мусульманскіх жыхароў Срэбраніцы — пераважна мужчын і падлеткаў — названа Міжнародным трыбуналам ААН па былой Югаславіі актам генацыду.
Зьдзейсьнілі злачынства ўзброеныя атрады басьнійскіх сербаў.
У чацьвер суд у Гаазе прыняў рашэньне, згодна зь якім галяндзкі кантынгент міратворчых сілаў ААН, што знаходзіўся ў той час у Срэбраніцы, не падлягае перасьледу ў судовым парадку за гэтыя забойствы.
Тым часам арганізацыя «Маці Срэбраніцы», якая прадстаўляе больш за 6 тыс. чалавек, што выжылі ў ваенную кампанію супраць басьнійскіх мусульманаў, мяркуюць, што міратворцы ААН ня выканалі задачы па гарантаваньні бясьпекі цывільнага насельніцтва Срэбраніцы.
Суд пастановіў, што ня мае паўнамоцтваў разглядаць пазоў у дачыненьні да ААН, якая, згодна са сваім Статутам, абаронена ад судовага перасьледу.
Пры гэтым пазоў супраць ураду Нідэрляндаў можа быць разгледжаны.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»16
Каментары