Малдова можа скасаваць складзенае ў 2014 годзе пагадненне аб асацыяцыі з Еўрасаюзам для прыняцця «дарожнай карты» супрацоўніцтва з Еўразійскім эканамічным саюзам, заявіў прэзідэнт рэспублікі Ігар Дадон падчас візіту ў Маскву.
Дадон распавёў, што ў бліжэйшыя тыдні пачне кансультацыі аб падпісанні рамачнага мемарандума аб супрацоўніцтве з ЕўрАзЭС, які не супярэчыць іншым пагадненням, паведамляе ВВС.
«Для таго, каб зрабіць наступны крок — гэта дарожная карта супрацоўніцтва з Еўразійскім эканамічным саюзам — трэба будзе пераглядаць некаторыя палажэнні пагаднення аб асацыяцыі з ЕС, альбо гэты дакумент, які быў падпісаны ў 2014 годзе, ануляваць», — заявіў ён.
Паводле слоў малдаўскага лідара, пагадненне з ЕС не дало Малдовы ніякіх плюсоў, краіна «страціла расійскі рынак і, як гэта ні дзіўна, нашы аб'ёмы экспарту ў Еўрапейскі саюз таксама ўпалі».
Дадон таксама папрасіў прэзідэнта Расіі Уладзіміра Пуціна «разгледзець магчымасць таго, каб Малдова стала назіральнікам у Еўразійскай эканамічнай камісіі і ў ЕўрАзЭС».
Цяпер чытаюць
Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза8
Каментары