Супрацоўнікі МУС Беларусі канфіскавалі ў фігурантаў справы аб пастаўках наркотыкаў з-за мяжы карціну Івана Шышкіна, выкрадзеную з аднаго з расійскіх музеяў.
Праваахоўныя органы, паведамляецца на сайце МУС Беларусь, атрымалі аператыўную інфармацыю пра тое, што ў студзені плануецца пастаўка ў краіну партыі наркотыкаў з Расіі і адначасовае вяртанне ў Маскву нейкай дарагой карціны.
Кур'еры, што перавозілі наркотыкі і карціну, былі затрыманыя. Канфіскаванае ў іх палатно было папярэдне ідэнтыфікавана як карціна Шышкіна «Лес. Яліны», якія лічацца ў базе выкрадзеных прадметаў мастацтва Інтэрпала.
Па папярэдніх дадзеных, карціну прывозілі ў краіну, каб паказаць патэнцыйнаму пакупніку з Еўропы, аднак бакі не сышліся ў цане і здзелка не адбылася.
Карціну планавалася адправіць назад у Расію, дзе ў Маскве яе павінны былі прадаць грамадзяніну адной з краін ЕС за 100 тысяч даляраў і тры кілаграмы какаіну.
Карціна перададзена ў Нацыянальны мастацкі музей Рэспублікі Беларусь, спецыялісты якой папярэдне прызналі яе сапраўднасць.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары