Трагедыя здарылася ў кастрычніку мінулага года з-за дзяўчат. Адна з іх папрасіла знаёмага схадзіць з ёй на сустрэчу з хлопцам — хацела пры сведках парваць з ім стасункі. Пазвала нават сваю сяброўку, піша «СБ Беларусь сегодня».
Кавалер, аднак, не прыйшоў. Прыслаў замест сябе сябра. Адна з дзяўчат пачала пра нешта спрачацца з ім, падняўся лямант, які хутка перайшоў у нецэнзурную лаянку. Знаёмы дзяўчыны ўмяшаўся ў сварку, запатрабаваўшы прабачэнняў. Але, не дачакаўшыся адказу, ударыў хлопца ў твар.
Той страціў раўнавагу, зваліўся і стукнуўся галавой аб тратуарную плітку. Устаць ён не змог, але ніхто з хлопцаў не падышоў да яго — хуткую выклікаў мінак. Праз некалькі дзён пацярпелы памёр у бальніцы. Яму было 19 гадоў, ён вучыўся ў каледжы.
За прычыненне смерці па неасцярожнасці падлетак атрымаў 2,5 года пазбаўлення волі з адтэрміноўкай прысуду на год, распавяла памочнік пракурора Віцебска Таццяна Іванова:
— Максімум, што прадугледжвае гэты артыкул, — пазбаўленне волі на 3 гады. Адтэрміноўку прызначанага пакарання абвінавачаны атрымаў у сувязі з тым, што непаўнагадовы. Калі на працягу года ён патрапіць у поле зроку праваахоўных органаў, рэальнага тэрміну яму не пазбегнуць.
У зале суда хлопец прызнаў сябе вінаватым, раскаяўся, прынёс прабачэнні бацькам загінулага. Яго сям'я не стала патрабаваць кампенсацыі маральнай шкоды.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары